الشخصيات
----------
(الخواجه موريس) صاحب محل مجوهرات فى منطقه شعبيه و كل محلات المجوهرات اللى موجود ه قليله جدا جدا الخواجه موريس بخيل جدا جدا بس ساعات بيبقى جدع بس مش على طول
و(عادل) شغال مع الخواجه موريس فى المحل و سعات كتير بيختفى و ماحدش يعرف بيروح فين و عادل ده بقاله كتير مش بياخد مرتب حوالى 3شهور بس بيشتغل معاه
و (منجاوى) القهوجى اللى على اول الشارع وده بيكره الخواجه جدا علشان دمه تقيل وغلس و عليه حساب تقيل قوى و مش بيدفع و المعلم مخنوق منه جدا و بالمناسبه عادل ومنجاوى جران (ولاد حته واحده )
و(المعلم ) صاحب القهوه اللى على اول الشارع وهو مش بيحب الحال المايل و حقانى وبتاع ربنا علشان كده مش بيحب الخواجه علشان فلوسه تقيله (زبون نطع )
و (اخو الخواجه ) الخواجه موريس ليه اخ بس من ام تانيه (مصريه) و الخواجه مش بيحبه علشان بيجى على طول و بياخد منه فلوس دايما علشان يشرب و يشم بيها مخدرات
------------------------------------------------------------------------------------
الأحداث
---------
فى معاد فتح المحل جه عادل و فتح محل المجوهرات اللى هو ملك الخواجه وجاله منجاوى علشان يعرف طلبه ايه وقاله عايز شاى بحليب
وولع سجاره وشربها مع كبايه الشاى بحليب وسرح شويه كده و دخل عليه الواد منجاوى علشلن ياخد الكبايه الفاضيه وبعدها بحوالى ساعه جه موريس ومعاه شنطه مجوهرات جديده اتخانق مع عادل (بيتلكك لعادل )علشان مايخدش باله من الشنطه
عادل قاله : طيب مدام انتا عايزنى امشى ادينى حسابى
الخواجه : مالكش عندى حاجه يا حبيبى
عادل : انا ليا عندك 1500 (مرتب متأخر)جنيه فين دول ... ولا القطه كالتهم
الخواجه : لأ ياحبيبى القطه كالتهم و عقبال ماتكلك انتا كمان و تخلصنى منك
الصوت بقى عالى جدا لدرجه ان القهوه كلها جت تتفرج على الخناقه و راح منجاوى و المعلم علشان يفضو الخناقه وفعلا ادخلو بين الخواجه و عادل
عادل : شاهدين اهو بيدعى عليا علشان اموت ... شاهدين ياناس
عادل : و انا مش هامشى من هنا الا لما اخد فلوسى على داير مليم
الخواجه : انا قلتلك مالكش حاجه عندى يا حبيبى
عادل : هى بقت كده يعنى طيب ياخواجه انا هاحرق قلبك و هاخد حقى بأيدى
منجاوى : تعالى بس و بطل عبط
منجاوى خد عادل بره يهديه و عادل مصمم انو ياخد حقه منه و طلع مطوه من هدومه و عايز يخلص على الخواجه
ومنجاوى عمال يهديه لحد ماقله روح انتا دلوقتى كده و اهدا
وفعلا روح عادل البيت
*نرجع تانى للخواجه *
رص بقيت حاجته تانى اللى كان جايبها فى البتارين و اللى هايتحط فى الخازنه اتحط فى الخازنه
وبعد شويه دخل على موريس اخوه من ابوه وقعد معاه شويه و طبعا حالته زفت من المخدرات اللى بياخدها و كان جاى كالعاده عايز فلوس ولكن المره دى مش زى كل مره
موريس : خير عايز ايه
اخو موريس :عادى يعنى انتا شكللك كده شغله بيكبر و انا مش بحسد بس انا كنت عايزك
تشوف اخوك فى اى حاجه كده تمشى الحال
موريس : هو الحال ده مش ناوى يخلص بقى ....... يااخى لو مش خايف على نفسك
خاف عليا و على الفلوس اللى انا بادهالك
اخو موريس : ماشى شكرا على النصيحه الغاليه ............انا كنت عايزك فى موضوع
كده
موريس : بص بقى لو فلوس انا مش معايا دانا مديون
اخو موريس : انا عارف انك معاك بس مش عايز تبن علشان الحسد
موريس : معايا ولا معاييش مالكش دعوه ومافيش فلوس
و الحوار اطور جدا ووصل لدرجه الضرب ان موريس كان عايز يضرب اخوه و حصلت خناقه تانى و بردو اهل الحته اتلمو ومنجاوى و المعلم رايحين ناحيه المحل بتاع الخواجه
المعلم : هو فى ياواد
منجاوى : بيقولو ان الخواجه موريس بيتخانق مع اخو فى المحل بتاعه
المعلم : هو النهارده فى ايه............ هو احنا ماورناش شغلانه غير الخواجه موريس و خناقاته
و دخلو المحل على كلام اخو موريس و هو بيقله
" قدامك لحد بكره تدبر المبلغ والا انتا عارف كويس ايه اللى ممكن يحصل "
ومشى من المحل وراح المعلم يسأله عن الحكايه قام الخواجه موريس و زعقله لدرجه ان المعلم زعل منه
شويه كده و منجاوى معدى بيودى طلبات لأصحاب محلات وهو راجع خد باله من المجوهرات الجديده اللى موجوده فى البتارين عند الخواجه
راح قال اخش اباركله و بالمره يمكن يدفع اللى عليه ودخل فعلا منجاوى
منجاوى : مبروك ياخواجه على الشغل الجديد ايه الحلاوه دى
الخواجه : شكرا منجاوى حبيبى ...............!! خير فى حاجه
منجاوى : لأ مش عايز حاجه بس يعنى كنت بقول مدام فى فلوس يعنى ماتطرى على
شويه
الخواجه : ااااااااااااه ه ه قصدك على الحساب منجاوى
منجاوى : ايوه عليك نور
الخواجه : منجاوى حبيبى انتا نصاب !!
منجاوى : ليه بس الغلط ده يا خواجه انا لحد دلوقتى بحترمك ماتخلنيش اقل من احترامى
الخواجه : هههههههههههههه انتا ههههههههههه تقل ادبك عليا انا
طيب بس بقى انا هاعمل فيك ايه
وطلع الخواجه من جيبه حته حشيش و خلها فى ايده وطلع بره المحل بخطوه و ناده للمعلم صاحب القهو
منجاوى قرا ايه اللى ممكن يحصل قعد يتحايل عليه و هو ولا هو هنا و المعلم جه و دخل المحل
المعلم : خير ياخواجه عايز منى حاجه
الخواجه : اه ....... شفت الصبى بتاعك بيعمل ايه
المعلم : بيعمل ايه يا خواجه
الخواجه : ادانى دى (حته الحشيش) و بيقلى خد دى روق بيها مزاجك
المعلم : اتاريك اليومين دول حالك مقلوب و بقا معاك فلوس
منجاوى : لأ و اللهى العظيم يا معلم ماحصل حاجه مانتا عارف الخواجه بيحب يهزر
الخواجه : لأ مش بهزر الكلام بجد
المعلم : ايه مصلحه الخواجه فى انو يعمل كده ؟؟؟ هة ... علشان تعرف انك كداب
وفعلا المعلم مشا منجاوى من القهو اللى كانت مصدر رزقه الوحيد و كمان كان بيبات فيها و بعد طرد المعلم ليه هايبات فى الشارع و كمان انقطع اكل عيشه
(الشر بينط من عنيه) و شكله ناوى يعمل حاجه مش تمام (الله اعلم )
و بعد يومين جه اخو موريس علشان ياخد الفلوس اللى هو كان طالبها منه (وزى ماكل توقع مادلوش الفلوس و هدده
وفعلاا ثانى يوم جه الخواجه و فتح المحل و لقى ان المحل فاضى ابيض مافهوش قشايه
ياترى مين اللى ممكن يكون سرق محل الدهب ( هى اختيارات كتير شويه )
عادل ؟
منجاوى ؟
اخو موريس ؟
عادل ومنجاوى ؟
